စပ်မိစပ်ရာ

ဓါတ်ပုံကို ဒေါက်တာလွဏ်းဆွေ ဘလော့မှ ရယူထားပါသည်

တယ်ခံတဲ့ မီးခြစ်တစ်ဆံပါလား
ဒီကောင့်ရင်ထဲ
အနှစ်နှစ်ဆယ် တိုင်အောင်လောင်စွဲ
ဘယ်သူငြှိမ်းခွင့် ရှိလေလိမ့်မလဲဗျာ ။ ။

(၁၁၊ဇွန်၊၉၁ တွင် ကျဆုံးသွားသော ဆရာမောင်သော်ကသို့)

ညိုထက်ညို

ဆက်စပ်ဖတ်ရှုရန်..
မီးခြစ်တစ်ဆံ

ကော်ပီသီချင်းတစ်ခွေ ဝယ်လိုက်တယ်
၂၀၀၀ ဆိုပဲ။

ကိုရီးယားကားကို
မြန်မာမှုပြုတဲ့ ရုပ်ရှင် ဝင်ကြည့်တယ်
ဒါလဲ ၂၀၀၀ပဲ။

ဒါနဲ့ပဲ
စာအုပ်အဟောင်းတန်းက
မောင်ချောနွယ်ရဲ့ ကဗျာစစ်စစ်ကို
ထိုင်ရာကမထတမ်း
အလကားပဲတင်း ငါ ဖတ်ပစ်လိုက်တယ်။ ။

ညိုထက်ညို

အသစ်တွေ တခစ်ခစ် ရယ်ချိန်မှာ
အဟောင်းက လက်မောင်းရှပ်တိုက် သွားတယ်
လမ်းမှာတွေ့ရင် မှတ်မိမှာ မဟုတ်ဘူး
ခုမှ ကျောက်ရုပ်က စကားပြောပြီ
ကြာပန်းတွေလည်း ဖူးလိုက်ပွင့်လိုက်
နှလုံးသားတွေလည်း ပိတ်လိုက်ဖွင့်လိုက်
အတိတ်ဆိုတာ ဓာတ်ရိုက်ခေါ်လို့ ရစရာလား
မင်းက စက်ဘီးခြေနင်းကို နောက်ပြန်လှည့်ခဲ့တယ်
ငါ့အတွက်မတော့ အချစ်ဟာ နာကြည်းစိတ်ရဲ့ မိခင်
တယူသန် အစွဲအလမ်းများနဲ့သာ
ငါ့ကိုငါ ရှို့မြှိုက်ထားချင်တယ်
နှစ်ထဲက တစ်နှုတ်တော့
ဘာမှကျန်မှာ မဟုတ်သလို
အဲဒီတစ်ကို ပေါင်းနှုတ်မြှောက်စား
တွက်ချက်သံ တချောက်ချောက်မှာ
calculator စိတ်ကောက်သွားခဲ့ပြီ
အသစ်တွေ ညွှတ်ညွှတ်ပျောင်းပျောင်း ကနေချိန်
အဟောင်းက လက်အံသေသွားပြီ
အသစ်တွေ တွတ်တီးတွတ်တာ နွဲ့တျာနေချိန်
အဟောင်းက ဖြူကာပြာကာ ကျသွားပြီ
လမ်းမှာတွေ့လို့ မင်းမှတ်မိလဲ အလကားပါ
စကားလုံးတွေ ကျောက်ရုပ်ဖြစ်သွားပြီ ။ ။

ဝိုင်ချို

ထိုညက ကျွန်တော်အိပ်မပျော်ပါ။ ညက ပူရှိန်ပြင်းလွန်းလှသည်။ ဘယ်အချိန် ရှိနေပြီလဲ။ ကျွန်တော်မသိ။ တလူးလူး တလွန့်လွန့် နှင့် အိပ်မပျော်။ မထူးတော့သည့် အတူတူ အိပ်ရာထဲမှ ကျွန်တော် ထထွက်ခဲ့သည်။ ဝရံတာဆီသို့။ သည်တော့မှ ကျွန်တော် နေသာထိုင်သာ နည်းနည်းရှိသွားသည်။ လမ်းပေါ်တွင်တော့ လူသွားလူလာ ရှင်းလင်းလျက်။ တစ်ခါတစ်ခါ ဖြတ်သန်းသွားသော ကားတစ်စီးနှစ်စီးမှအပ ညက ပကတိ တိတ်ဆိတ်နေသည်။ အဝေးဆီမှ သံချောင်းခေါက်သံ တစ်ချက်ကြားလိုက်ရမှ ကျွန်တော် အချိန်ကို သတိပြုမိသည်။ ည တစ်နာရီပင် ထိုးပါပကော။ အမှတ်မထင် ကောင်းကင်ပေါ်သို့ မော့ကြည့်မိတော့ ငွေလမင်းကို ဝိုင်းဝိုင်းစက်စက် မြင်လိုက်ရသည်။ လတောင် ပြည့်တော့မှာပါလား။ “လခမြည၊ ပပကြိုးကြွ၊ လှလှပေစွ၊ မွမွရွရွ၊ ကြယ်စစိန်စ၊ စိမ်းစပြာစ၊ ဖြူဖွဖွလွ၊ ညက” တဲ့။ ကဗျာတစ်စကို ကျွန်တော် သတိရလာသည်။ ဘာကိုလွမ်းရမှန်း မသိ လမင်းကို မျှော်တမ်းရင်း ကျွန်တော် လွမ်းနေမိသည် ။ ထိုစဉ်မှာပင် ဘယ်အရပ်က တိုက်ခတ်လာမှန်းမသိ။ လေနုအေးကလေးက ကျွန်တော့်ဆီ ဝေ့ဝဲရှပ်တိုက်လာသည်။ ချွေးတို့ဖြင့် စိုကပ်စေးထန်းနေသော ကျွန်တော် ရုတ်တရက် လန်းဆန်းသွားသည်။ တိုက်တိုက်ဆိုင်ဆိုင်။ “လေနုအေးသည် တနော့နော့ နွဲ့နေဆဲကို” ဟူသော လွန်ခဲ့သည့် နှစ်ခြောက်ဆယ် ခုနစ်ဆယ်နီးပါးက ဝါကျကလေး တစ်ကြောင်းကို ကျွန်တော် သတိရမိလိုက်သည်။ လေနုအေးကလေး… ။ တွေးနေတုန်းပင် လေက ပြန်ငြိမ်သွားပြန်သည်။ လေနုအေးကလေး ဘယ်ရောက်သွားပါလိမ့်။ ဟော…ကျွန်တော် သည်စကားလုံးကို ထပ်သုံးမိပြန်ပြီ။ ကျွန်တော် ဘာတတ်နိုင်မှာလဲ။

ဖြူဖွေးမွရွ ဆံနွယ်ဆံစတွေက အင်္ကျီကော်လာပေါ်ကျော်၍ ခပ်ရိုင်းရိုင်း ဝဲကျနေသည်။ အနားသတ်က ဖွာရရာကြဲလျက်။ ဆံပင်တွေကို နောက်ပြန်ဖြီးထားသည်။ ဘော်ငွေရောင် လှိုင်းတွန့်တွန့်။ ဒါကိုက လွတ်လပ်ခြင်း၏ သဏ္ဍာန်။ အရိုင်း၏ ခေါ်သံ။ ကျွန်တော် သဘောကျသွားသည်။ ဆံပင်ရှည် ယဉ်ကျေးမှုတွင် ကြီးပြင်းလာခဲ့သူ မို့လားမသိ။ ထိုကဲ့သို့ အထူးတလည် ပြုပြင်မထားသော ထူထူပွပွ ဆံပင်ရှည်ရှည်ကို မြင်လျှင် ကျွန်တော် ရင်ခုန်တတ်သည်။ အပြုံးငွေ့ငွေ့ က မျက်နှာပေါ်တွင် အထင်းသားအရှင်းသား ပေါ်နေသည်။ ပြီး ကျွန်တော့်ဆီ ရိုက်ခတ်လာသည်။ အသားအရောင်ကတော့ ခပ်လတ်လတ်။ ဝတ်ထားသည်က ပါတိတ်အင်္ကျီ နှင့် ကျွန်တော် အမျိုးအမည် ခွဲခြားမသိသော ထူထူထဲထဲ ပုဆိုး။ ချည်ပုဆိုးတော့ မဟုတ်နိုင်။ ဘန်ကောက်လုံချည်လဲ ဖြစ်မည်မဟုတ်။ အင်္ကျီကော ပုဆိုးပါ အရောင်အသွေးက စိုစိုစွတ်စွတ်။ အသားအရေ စိုစိုညက်ညက် မည်းမည်းနက်နက် မျက်မှန်။ အသက်ရှစ်ဆယ်နားနီး နေပြီဖြစ်သော်လည်း ကျန်းမာရေးက အထူးကောင်းမွန်ပုံရသည်။ ပလတ်စတစ်ကုလားထိုင်ပေါ်တွင် အေးအေးသက်သာ ထိုင်ရင်း နံဘေးမှ လူလတ်ပိုင်း တစ်ဦးနှင့် စကားပြောနေသည်။ ကြည့်နေရင်းနှင့် ကျွန်တော် အရောင်တွေကို သတိရလာသည်။ ရေးရေးရိပ်ရိပ်။ သြော်…စာပေသစ်၏ ဖခင်ဆိုတာ ဒါပါလား။ အိုးဝေမဂ္ဂဇင်း၏ အယ်ဒီတာဆိုတာ ဒါပါလား။ သခင်ဗဟိန်း ၏ သူငယ်ချင်းဆိုတာ ဒါပါလား။ အောင်ဆန်း သို့မဟုတ် အရိုင်း၏ မိတ်ဆွေဆိုတာ ဒါပါလား။ ဦးဗဆွေ၊ သခင်သန်းထွန်း တို့နှင့် အကျွမ်းတဝင်ဖြစ်ခဲ့သူဟာ ဒါပါလား။ အလှတရားကို ကိုးကွယ်သူဆိုတာ ဒါပါလား။ ရုပ်ပုံလွှာတို့၏ အရှင်သခင် ဆိုတာ ဒါပါလား။ ခြေဆုံးခေါင်းဆုံး သမိုင်းဖြစ်နေသူ ဆိုတာဒါပါလား။ ဗန်းမော်တင်အောင် ကို နောက်ဆုံးရဲဘော်အဖြစ် သတ်မှတ်ခဲ့သူဟာ ဒါပါလား။ တာရာဆိုတာ ဒါပါလား။ ကဗျာဆိုတာ ဒါပါလား။ ခပ်လှမ်းလှမ်းမှ နေ၍ ကျွန်တော် ဆရာ ဒဂုန်တာရာ့ကို ငေးကြည့်ရင်း တွေးမိတွေးရာ တွေးနေမိသည်။ အခြားနေရာမှာ ဆိုလျှင်တော့ ကျွန်တော် ဆရာ့ကို သွားဂါရဝပြုမိမည် အမှန်။ သို့သော် ကျွန်တော် ယခုရောက်နေသည်က သုဿာန်။ ဆရာ့ဘေးတွင်လည်း လူငယ်လူကြီး စာပေသမားများ၊ ကဗျာဆရာ အယ်ဒီတာများ ဝိုင်းရံလျက်။ ဟိုမှာ ဆရာအောင်သင်း၊ ဟိုမှာ ဆရာမောင်သွေးသစ်၊ ဟိုမှာ ဆရာချစ်ဝင်းမောင်၊ ဟိုမှာ ဆရာအောင်ဝေး၊ ဟိုမှာ…။ သည်မျှ များပြားသော လူတွေကြားထဲ ကျွန်တော် ဆရာ့အနား ချဉ်းကပ်ခွင့်မသာ။ အဝေးမှသာ ငေးမောနေရသည်။ ရုပ်ပုံလွှာ၊ ပျားအုံခံစားမှု၊ ကားချပ်၊ မှန်ကူကွက်၊ သမိုင်း၊ စာလုံး ဆေးစက်နှင့်စောင်းကြိုး၊ မွှေးမြဝေရီ….ပြီးတော့ ကဗျာ။ ဆရာမြသန်းတင့်ကို သင်္ဂြိုဟ်ရန် အချိန်နီးကပ်လာပြီမို့ ကျွန်တော် ဆရာမြသန်းတင့် လဲလျောင်းနေရာဆီသို့ ထွက်လာခဲ့သည်။
Read more »